20 Июнь 2020
Болалар мусиқа ва санъат мактабларида кўзи ожизлар бепул ўқитилади

Олдинги ўрнатилган тартибга кўра, болалар мусиқа ва санъат мактабида таҳсил олаётган ўқувчиларнинг умумий сонига нисбатан 25 фоизигача миқдорда кам таъминланган оилаларнинг фарзандлари бепул ўқиши мумкин эди.

Эндиликда, қарорларга ўзгартириш киритилган ҳолда ногирон болалар, шу қаторда кўзи ожизлар ҳам Болалар мусиқа ва санъат мактабларида бепул тахсил олиши кўзда тутилган.

Жорий йилда Республика бўйлаб Болалар мусиқа ва санъат мактабларида 355 нафар ногирон ўқувчилар тахсил олишди, шундан 320 нафари кўзи ожиз болалар ҳисобланади.

2020/2021 ўқув йилларига  Болалар мусиқа ва санъат мактабларида ўқиш истагини билдирган  ногиронлиги бор  650 нафаргача ўқувчини қамраб олиш режалаштирилган. 

 

Маданият вазирлиги 

Ахборот хизмати

Охирги янгиланиш: 28.09.2020 | 21:13