Navoiy viloyati Madaniyat va turizm boshqarmasiga rahbar tayinlandi
26 May, 2023 - 21:21
726
Jamoatchilik bilan aloqalar bo'limi (Axborot xizmati)
Navoiy viloyati Madaniyat boshqarmasi binosida Madaniyat va turizm vaziri o‘rinbosari Bahodir Axmedov tomonidan yig‘ilish o‘tkazildi.
Unda viloyatdagi madaniyat va turizm soha vakillari, tizim tashkilotlari ishtirok etdi. Yig‘ilishda Madaniyat va turizm vazirligi viloyat boshqarmalarida olib borilayotgan strukturaviy o‘zgarishlar haqida so‘z bordi.
Bahodir Axmedov Buxoroning madaniyat va turizm bo‘yicha salohiyati yuqoriligini ta’kidlab o‘tdi va Navoiy viloyat Madaniyat va turizm boshqarmasiga Nodirjon Ramazonovich Niyazovning rahbar etib tayinlanganini e’lon qildi.
Nodirjon Ramazonovich Niyazov 1982-yilda Samarqand viloyati Paxtachi tumanida tug‘ilgan. Toshkent davlat madaniyat institutining magistraturasini tamomlagan.
Tayinlovga qadar Nodirjon Ramazonovich Navoiy viloyati Madaniyat boshqarmasi boshlig‘i lavozimida faoliyat olib borgan.