Filarmoniya bosh direktori Anvarjon Tojiboyev Polshaning Lodz shahridagi Artur Rubinshteyn filarmoniyasiga tashrif buyurib bosh direktor Tomash Beben bilan uchrashdi. Tashrif davomida san’atkorlar uchun yaratilgan shart-sharoitlar, zamonaviy texnik imkoniyatlar filarmoniya faoliyati bilan atroflicha tanishildi.

Uchrashuv yakunida ikki filarmoniya o‘rtasida o‘zaro madaniy hamkorlikni o‘rnatish hamda kelgusida konsert loyihalari, mahorat darslarini tashkil etish, sohada marketing va art-menedjerlik faoliyatini rivojlantirish kabi madaniy almashinuvlarni amalga oshirish kabi masalalar muhokama etildi.

O‘zbekiston davlat filarmoniyasi hamda Polshaning Artur Rubinshteyn filarmoniyasi o‘rtasida hamkorlik memorandumi imzolanishiga kelishildi.