Kino — do‘stlik rishtalarini bog‘laydi
30 Jan, 2023 - 16:12
493
Axborot va matbuot xizmati
Hindistonning Mumbay shahri milliy ijrochilar sanʼat markazida Shanxay hamkorlik tashkilotiga aʼzo davlatlarning badiiy va televizion filmlar festivalining ochilish marosimi bo‘lib o‘tdi.
Tanlovdan SHHTga aʼzo davlatlarning kinoijodkorlari taqdim etgan 14 ta badiiy film joy olgan bo'lib filmlar orasida o'zbek kino ijodkorlaridan Dilmurod Masaidovning "Ayol qismati" va Hilol Nasimovning “Meros” badiiy filmi ham bor.
Shuningdek, festival doirasida "Faridaning ikki ming qo‘shig‘i" va "101- reys" badiiy filmlari, qolversa, Hindistonning eng mashhur filmlari uchun sahnalashtirilgan raqslar namoyish etildi.
Quvonarlisi, hay'at aʼzolari orasida O‘zbekiston kinoarboblari ijodiy uyushmasi raisi Matyoqub Matchonov ham bor.
Tomoshabinlar Hindiston, Xitoy, Pokiston, Qirg‘iziston, Qozog‘iston, Tojikiston, O‘zbekistondan kelgan aktyor va aktrisalarni katta hursandchilik bilan kutib oldilar. Hindistonlik kinoijodkorlardan Hema Malini, Akshay Kumar, Punam Dillon, Tayger Shrof, Elli Avr Ramlar katnashdi. Hind kinoyulduzlari festivalning ramziy chirog‘ini tantanali ravishda yoqib berdi.
Kinofestivalning tantanali ochilishi marosimida Hindiston kino sohasi mutasaddilari 2022-yilda amalga oshirilgan eng katta loyihalar haqida maʼlumot berdi. Ko‘plab tomoshabinlar mehrini qozongan badiiy film ijodkorlari taqdirlandi. Tantanali marosimda hay'at aʼzolariga ham tashkilotchilar tomonidan esdalik sovg‘alari topshirildi.