Matbuot anjumani o‘tkazildi
22 Oct, 2023 - 18:43
290
Jamoatchilik bilan aloqalar (axborot xizmati) bo'limi
Alisher Navoiy nomidagi O‘zbekiston davlat akademik katta teatrida Halima Nosirova nomidagi xalqaro yosh operachilar ko'rik-tanloviga bag'ishlangan matbuot anjumani bo‘lib o‘tdi.
Maqsadi Halima Nosirovaning merosini davom ettirish, yosh operachilarni rag‘batlantirish va ularning iqtidorlarini kashf etishdir. Ko'rik-tanlovga 18-35 yoshdagi operachilar qatnashadi. Uchrashuvda teatr direktori Ramiz Usmonov moderatorligida, O'zbekiston Kompozitorlar va bastakorlar uyushmasi raisi Rustam Abdullayev, O'zbekiston san'at arbobi Fazliddin Yakubjanov, O'zbekiston xalq artisti Elyor Nosirov, Halima Nosirovaning qizi Nodra Nugmanova va boshqa oila a'zolari ishtirok etishdi.
Matbuot anjumanida ko'rik-tanlov yuzasidan savol-javoblar hamda Halima Nosirovaning hayoti va ijodi bilan bog'liq qiziqarli ma'lumotlar ijodkorning oila a'zolari tomonidan taqdim etildi.
Tanlov 21-26-oktabr kunlari Alisher Navoiy nomidagi O'zbekiston davlat akademik katta teatrida o'tkaziladi.