Qishning birinchi kuni muhim anjuman bilan boshlanadi
24 Nov, 2023 - 16:07
335
Jamoatchilik bilan aloqalar (axborot xizmati) bo'limi
Joriy yilning 1-2 dekabr kunlari Samarqand shahrida “Yangi O‘zbekiston teatr san'ati: dramaturgiya va rejissuraning dolzarb masalalari” mavzusida respublika ilmiy-amaliy konferensiyasi bo‘lib o‘tadi.
Samarqand viloyati musiqali drama teatrida bo‘lib o‘tishi kutilayotgan mazkur anjumanda madaniyat va san'at sohasidagi islohotlar negizida teatr san'atini yanada rivojlantirish, dramaturgiya, rejissura hamda rassomlik faoliyatidagi dolzarb masalalar, erishilgan yutuqlar va mavjud kamchiliklar muhokama qilinadi.
Konferensiya doirasida 7-10 sentyabr kunlari Parkent ijod uyida o‘tkazilgan “Nigoh” ijodiy seminarida g‘olib deb topilgan “Ustozim” spektaklining taqdimoti o‘tkazilishi rejalashtirilgan.