Ўзбекистон Республикаси Президенти Ш.М.Мирзиёевнинг 2020 йил 26 майдаги “Маданият ва санъат соҳасининг жамият ҳаётидаги ўрни ва таъсирини янада ошириш чора-тадбирлари тўғрисида”ги ПФ-6000-сонли Фармони ижроси юзасидан
Сирдарё вилояти ҳудудига реклама паннолар жойлаштиришга рухсат берилиши кўзда тутилган.

Янгиер шаҳар ҳокимининг 2020 йил 13 августдаги 227-сонли “Янгиер шаҳри Обод юрт маҳалласи, А.Темур ва Пахтакор кўчалари ҳудудидан афиша ва реклама баннерларини жойлаштириш учун вақтинчалик муддатли фойдаланиш учун ер майдони ажратиш тўғрисида”ги қарори қабул қилинган.

Шу муносабат билан, Сирдарё вилояти Янгиер шаҳри Обод юрт МФЙ Пахтакор кўчаси ҳудудида жойлашган “Ватанпарвар” ташкилоти олд қисмида реклама афишаси учун ер майдонлари ажратилган.

Ушбу афиша (билборд)лар давлат-хусусий шериклик асосида фаолиятини ташкил этиш учун тадбиркорларга бериш кўзда тутилган. Қизиқиш билдириш учун сўров ва таклифлар қуйидаги манзилда қабул қилинади:

Тошкент шаҳар Т.Шефченко кўчаси 1 уй (Маданият вазирлиги).

Мурожаат учун телефон: 71-256-84-70